* لو تمادى الدهر مرة والستار بيناتنا سدلوا والا طالت بينا مدة والتلاقي امتد اجلو المسافة اكيد ما بتقصر والرسايل تبقى ب
* بتمنى ليك كل السمح لا تشوف عذاب لا تنجرح واتمنى ليك سعد العمر لا حسرة ولا احزان تمر ويا ربي تنعم بالصبر ويديك كمان طولة العمر
* منو الزيك يحس بالناس منو االزيك جميل حساس ومشتاقين يا اعز الناس اعين فيك الاقي خطاك معاي ديمة واشوف عينيك مع الغيمة واشيل ذكراك صفة وسيمة يا اروع زول قدر يكسر رتابة الكون ويتحكر في الاعماق هوى وقيمة
* يا سلام لو كنت تعرف انت ايه بالنسبة ليا ما بقول ليك انت روحي احتمال اكبر شوية بس تاكد انو ريدك في الضلوع نيرانو حية مستحيل في يوم حتخمد طالما الدم جاري فيا
* تبقى كل الدنيا سمحة لما بس هاتفك يواصل ترحل احزاني العميقه ويستقر فرحي المسافر اصلو شوقك فيني راسي منتظر عينيك تراسل ابقى واصل ما العيون الفي انتظارك زي مطر الفواصل
* بتمنى ليك كل السمح لا تشوف عذاب لا تنجرح واتمنى ليك سعد العمر لا حسرة ولا احزان تمر ويا ربي تنعم بالصبر ويديك كمان طولة العمر
* لو تمادى الدهر مرة والستار بيناتنا سدلوا والا طالت بينا مدة والتلاقي امتد اجلو المسافة اكيد ما بتقصر والرسايل تبقى بدلوا
* بقيت اعشق هوى الدنيا بقيت اسرح مع الاحلام رسمتك في ضفاف النيل سمعتك في صدى الأمواج حلمت معاك اكون انسان اسوق الدهشة في الواقع اشوف اللهفة في عينيك بتغمر طرفك النعسان
* يا المخلوق بلون الطيف اوصف فيك اوصف كيف يا الحيرت اوصافي يا السر العميق خافي بحر ما طالتو مرافئ وابلغ من وصف شاعر عشان يتختا في قوافي منك تبتدي الروعة وبعدك روعة جد ما في
* احس الوقت من غيرك زمن واقف بلا معنى واحس بالبسمة لي غيرك مسيخة ومره زي عبره واحس لمن تجي رسالتك ظلام شاقيهو ضي قمره
* بكتب ليك رسالة حب بحروف مرسومة في جواي رسالة بتحكي ليك الحب ومكانتك انت في دنياي لقيتك يا ملاك صدفة وجعلتك انت كل مناي محال اعشق سواك انسان ومحال غيرك يكون مرساي
* من ضجيج زحمة الايام اشيل خطواتي وامشي ليك اهاجر بيك لمرسى بعيد وعن اشواقي احكليك حكاية زول بيشتاق ليك وانت معاه في الخاطر يناديلك يدون في الخيال رسمة وبأروع معاني الشوق يغنيلك
* حياتك عندي غالية شديد وحبك فيني اصلو اكيد حكاية تقطع اخبارك لمن انت تبقى بعيد بكون الحال صعيب دونك وغيرك انت ببقى شريد بكون ضايع بفتش ليك لأني معاك ببقى سعيد بكون مليان حنين وحنان وشوق دفاق وفرحة عيد
* أدسك كيف من الأيام من الدنيا البقت جانية اقول مرات اهاجر بيك نسافر لي بلاد تانية بلاد ما فيها ناس ظالمين موشحة بالظلال حانية نمشي نوقف الساعات ونتقاسم الثانية ويا ريت نتقاسم الانفاس وادسك من عيون الناس
شتقت ليك لما الجفون تتلاقىفي لحظة منام اشتقت ليك لما الطيور عند الصباح بتقول سلام اشتقت ليك كل ما الدموع تنزل من شوق أو ملام اشتقت ليك ياا لوحة معجزة كل الكلام
مرات احس انك براك ما زينا انت الملاك ونحن البشر..
صمتك اصيل حزنك نبيل زي الغناوي المرهفه زي الدعاش ...
ويا روعتك لمن تفيض بالطيبة زي موج البحر تغمر ضفافنا محبتك ....
اشتقت للحظة البتسرق عمري كلو تجيبو ليك
اشتقت للنجم البسافر في الخيال يرحل يجيك
اشتقت والشوق
مستحيل في دربو يتمرد عليك
ياغنوة في وترا حزين
ياضحكة في الزمن الصعب
يا واحة في عز الهجير
يا راحة من بعد التعب
يانسمة هبت في الدغيش
عزفت علي وترا صعب
يا رحمة من رب العباد
مكبوبة فوق خلق الله كب.
وجودك منيه في الخاطر
ملامحك لوحه في الإحساس...
بشيلك جوه في عيوني وأدســــك من عيون الــــناس...
وحـات عيــــنيك يا ســـيدي بريــدك ريـــــده مختلفــــه...
محــكر في دواخلي بــراك... حقيقه أكيـــده ما صــــدفـه...
